www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Улуттук коопсуздук боюнча мамлекеттик комитеттин (УКМК) Чек ара кызматы кыргыз-тажик чек арасынын такталбаган аймагында Тажикстан курулуш ишин баштаганын, Кыргызстан аны токтотконун билдирди.
30-ноябрда таратылган расмий кабарга ылайык, Кыргызстан менен Тажикстандын ортосунда мурда жетишилген макулдашууларга карабастан, Сүлүктү-Пролетарск темир жолунун Лейлек районунун аймагындагы тилкесин тажик тарап демонтаждоо ишин баштаган. Тажик жарандары такталбаган тилкеге мыйзамсыз кирип барган.
Тажикстандын 30-35тей жараны Максат-Арка автоунаа жолунун боюна кура баштаган тосмо Кыргызстандын чек ара кызматынын талабы менен токтотулду.
Кыргызстан Баткен районунун Ак-Сай айыл өкмөтүнө караштуу Чек тилкесинде жергиликтүү тургундарга үй курууга даярдык баштаган. Чек ара кызматынын маалыматына караганда, тажик жарандары ага каршы Көк-Таш конушунун маңдайындагы Сомониён участкасында курулушту улантышкан.
Эки өлкөнүн чек ара кызматынын өкүлдөрү жолугушуп, тараптар курулуштарды токтотту. Тажикстан бул боюнча маалымат бере элек.
Кыргыз-тажик чек арасындагы такталбаган аймактардын айынан улам жаңжал чыгып турат. 2021-жылдын жазындагы куралдуу кагылышта эки тараптан ондогон тургундар, аскерлер көз жумган.
Булак: NazarNews.kg
< Предыдущий
Следующий >
Последние новости
