www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Тажикстанда Хожент жана Вахдат түрмөсүдөгү тополоңдор үчүн 60 соттолуучу кайрадан түрмөгө кесилди. Бул тууралуу 3-февралда өлкөнүн Жогорку сотунун төрагасы Шермухаммад Шохиён билдирди.
Маалыматка караганда, алар терроризм, экстремизм жана жалданмачылык үчүн соттолушту. Расмий версияларга караганда, Вахдат түрмөсүндөгү башаламандыкты мурда да ушундай эле айыптар үчүн жазага тартылгандар уюштурушкан.
Айрым соттолуучулардын жакындары өкүмдү кайра карап чыгууну талап кылышты. Алардын айтымында, жоопкерчиликке тартылган айрым кишилер тополоңдорго катышкан эмес.
Былтыр жарым жыл ичинде тажик түрмөлөрүндө эки жолу тополоң чыккан: Вахдат шаарындагы колонияда май айында тутанган башаламандыктан 32 адам каза болгон. Анын 29у камактагылар, үчөө түрмө кызматкери болгон. Ноябрда Хожент түрмөсүндөгү тополоңду басуу учурунда 21 соттолуучу өлгөн. Эки абак кызматкери каза таап, дагы бешөө жараат алган. Бул эки окуя үчүн тең жоопкерчиликти “Ислам мамлекети” террордук тобу мойнуна алган.
Шермухаммад Шохиён дагы 30 соттолуучу сот өкүмүн күтүп жатканын кошумчалады. Алар Душанбедеги № 1 түрмөдө башаламандык уюштурууга аракет жасаган деп айыпталууда.
< Предыдущий
Следующий >
Последние новости
