Афганистандын Бадахшан аймагынан Тажикстандын Тоолуу Бадахшан автономдуу облусуна качып кирген 1 миңден ашык адам коопсуз аймакка жайгаштырылды. Бул маалыматты облустун катчылыгы журналисттерге билдирген.

Качкындардын көпчүлүгү карыялар, аял кишилер жана жаш балдар.

Качкындар чек араны качан кесип өткөнү тууралуу так маалыматтар айтылган эмес. Бирок 4-5-июлда болгону болжолдонуп жатат. Бул күндөрү талибдер Афганистандын 6 районун басып алган болчу.

Афганистандын Улуттук коопсуздук кеңешинин маалыматы боюнча, Тажикстандын аймагына качып кирген афган аскерлеринин саны көп. Алардын ичинен 2300 аскер өлкөсүнө кайтты.

Булак: NazarNews.kg