Садыр Жапаровко төбөсүнөн ылдый жарма төгүп жаткан Феликс Кулов ким:

Биринчиден, Апсамат Масалиевке асылып, Аскар Акаевди президент кылгандардын ана башы. Кылган кызматы үчүн вице-президентти, кийин Чүй губернаторлугун, Бишкек мэрин, КГБ жетекчисин алган. Аны ээрчип жүргөн Текебаев «Акаевдин мураскору» аталганы менен Жалал-Абаддын губернаторунун орун басарлыгынан башка иш арткан жок.

Экинчиден, Акаевдин көчүгүнө шиш сайып 2005-жылы тандем аркылуу премьер-министрге жетет. Текебаев кур калбай спикер болгон.

Үчүнчүдөн, 2006-жылы күзүндө башаламандык уюштуруп, «Матрешканы» кучактап ызы-чууга бөлөнгөн Текебаев премьер-министр Куловду өзүнө тартып аларда Кулов «нокаутка» уруп, жашынып алган.

Төртүнчүдөн, 2007-жылдын башында парламенттен өтө албай Кулов Суваналиев менен биригип «Бириккен, Фронт» деген согушчул фронт түзгөндө Текебаев жан-дили менен колдогон. Булардын тарптарын ал кездеги премьер Атамбаев чыгарып салган. Кулов менен Суваналиев май талкан кызматтарды алып кетишип, Текебаевге дагы «нокаут» урушкан.

Бешинчиден, 2010-жылы Текебаев ачык, май-талкан кызматы бар Кулов көмүскө бийликке каршы чыгышкан. Натыйжасы, Убактылуу Өкмөттүн төрайымынын орун басары Текебаев түзгөн Конституция боюнча: Текебаев «Ата-Мекен» партиясын, Кулов «Ар-Намыс» партиясын парламентке өткөзүп алышкан.

Эми уйгурдан токол алып улгайып бараткан Кулов Текебаевге көз каранды. Ал президентке талапкер Садыр Жапаровго кеңеш беримиш болуп, аны чукулап жаткандай.

Азизбек КЕЛДИБЕКОВ, NazarNews.kg