Пакистандык туристтер Кыргызстанга электрондук виза менен келишет. Бул тууралуу бүгүн, 7-сентябрда Жогорку Кеңештин Транспорт, коммуникация, архитектура жана курулуш комитетинин жыйынында тышкы иштер министринин орун басары Айбек Артыкбаев билдирди.

Анын айтымында, пакистандык туристтер анкета толтургандан кийин УКМК 5 күндүн ичинде алардын маалыматын текшерип, өлкөгө кирүүгө уруксат берет же бербейт.

Тышкы иштер министрлигинин маалыматына караганда, 1-январдан 1-сентябрга чейин 9917 пакистандыкка электрондук виза берилген.

«Пакистандын жарандары Кыргызстанга туристтик виза менен келишкендиктен, алар бул жакта 1 ай жүрө алышат. Алар каттоого алынбайт. Чек ара кызматы өлкөгө киргени жана өлкөдөн чыкканы тууралуу мөөр гана басат. Туристтик компаниялар алардын өлкөдө жүрүү мөөнөтүн узартып берип жатышканы тууралуу маалымат бар», - деди Артыбаев.

Анын айтымында, коомчулуктун пикирин жана коопсуздукту эске алып, Пакистандын жарандарына виза берүү токтотулган. Бир жумадан бери Пакистан менен Индиянын жарандарына виза берилбей эле.

Булак: NazarNews.kg