Мындан төрт жыл мурда казакстанда өзгөчө демилге көтөрүлгөн. Астанадан анча алыс эмес жерде-Кабантай баатырдын ысымын алып жүргөн айыл өкмөтүндө пантеон (көрүстөн) куруу пландаштырылган. Анын аянты 9 миң гектарды камтыйт. Бул жерге аттуу, баштуу  адамдардын сөөгү коюлат. Түз айтканда өлкөнүн президенти Нурсултан Назарбаев өзү баш болуп, калган жакындары ушул атайын курулган көрүстөнгө коюлмакчы.

Албетте, мамлекеттин калган төбөлдөрүнүн үй-бүлөөсү да ушундай камкордукка алынмакчы. Сенаттын спикерине, баш баканга, депутаттарга, министрлерге жана башка ак сөөктөргө да ушундай сый-урмат белгиленет. Ким билет, балким бизде да ошондой саамалык жанданып кетээр? Ошондо Ата-Бейит тарап ыңгайлуу деп тандалып кетпейби?  Ала-Арчада деле жер тартыш болуп калбадыбы?

З. Койлубаев, Бишкек шаары

Булак: "Ачык сөз"