Ирландиялык изилдөөчү, "Титаниктин" урандыларына экспедиция учурунда дайынсыз жоголгон батискафтын экипаж мүчөлөрүнүн бири Рори Голден байланышка чыкты. Ал Фейсбуктагы баракчасында абалы жакшы экенин билдирген. Бул тууралуу ирландиялык Irish Sun басылмасы жазып чыкты.

"Мен жакшымын. Сураныч, ысымдарды (борттогу) сурабаңыздар, анткени бул өтө орунсуз. Мен буга чейин эле социалдык тармактарда өтө орунсуз жана сылыксыз комментарийлерди көрдүм », - деп айтылат билдирүүдө.

Рори Голден аны менен байланышууга аракет кылгандардын баарына ыраазычылык билдирип, азыр бүтүндөй команда куткаруучуларды күтүүгө багытталганын белгиледи жана бардык экипаж "позитивдүү маанайда" экенин билдирди.

Рори Голден 1976-жылдан бери дайвинг менен алектенет. The Irish Sun басылмасынын маалыматына караганда, Голден 2000-жылы Титаниктин кыйраган жерине түшкөн биринчи ирландиялык суучул болгон.

Эскерте кетсек, "Титаниктин" урандыларына экспедиция учурунда жоголгон батискафаны издөө операциясы 19-июнда башталган. Жээк коопсуздук кызматынын маалыматы боюнча, бортто беш киши, анын ичинде британиялык миллиардер, америкалык компаниянын негиздөөчүсү, Стоктон Раш жана франциялык профессионал акванавт Пол-Анри Нарголет бар. ЖМКдагы версиялардын бирине ылайык, суу астындагы кеме 2,9 миң метр тереңдикте рифке чалынып калышы мүмкүн.

Жүргүнчүлөрдү ташыган "Титаник" лайнери 1912-жылдын 15-апрелине караган түнү Улуу Британиядан АКШга бараткан жолдо кыйраган. Каза болгондордун саны - 1495тен 1635ке чейин, эвакуациялангандар - 712. Лайнердин калдыктары Атлантика океанында 3,8 миң метр тереңдикте жатат.

Булак: NazarNews.kg