Чүй облусунун Сокулук районунун Орок айыл аймагында 20,78 га аянттагы жер тилкеси дене тарбия жана ден соолукту чыңдоо комплексин куруу үчүн айыл чарба багытындагы жерлер категориясынан өнөр жай, транспорт, байланыш жана энергетиканын жерлери категориясына которулду. Бул тууралуу министрлер кабинетинин басма сөз кызматы билдирет.

Мындай чечим министрлер кабинетинин төрагасы Акылбек Жапаров өткөргөн министрлер кабинетинин кезектеги жыйынында көпчүлүк добуш менен кабыл алынды. Чечимге ылайык, Чүй облусунун Сокулук районунун мамлекеттик администрациясына төмөнкүлөрдү камсыз кылуу тапшырылды:

– жерди эсепке алуу документтерине тиешелүү өзгөртүүлөрдү киргизүү;

– жерди максаттуу багыты боюнча пайдалануу.

Булак: NazarNews.kg