Токмок шаарында бир катар унааларды уурдоого шектелген эки жаран кармалды. Бул тууралуу Чүй облустук ички иштер башкы башкармалыгынын басма сөз кызматы билдирди.

«15-январда жабырлануучу милицияга кайрылып, уурулук болгонун билдирген. Анын айтымында, саат 16.30дан 17.30га чейин кимдир бирөө Луксор ден-соолукту чыңдоо комплексинин жанында токтоп турган унаасынын айнегин сындырып, 50 миң сом салынган капчыгын уурдап кеткен. Бул факты боюнча Кылмыш-жаза кодексинин 205-беренеси (уурдоо) боюнча кылмыш иши козголду», - деп айтылат маалыматта.

Кылмышка шектелип 26 жаштагы Т.К. жана 27 жаштагы Ж.Б. тергөө учурнуда кылмышка шектүүлөр 17-январдан 23-январга чейин Токмок шаарында болгон андан сырткары беш кылмышка тиешеси бар экенин аныкталган. Учурда тергөө иштери уланууда.