Буга чейин, Төрөхан Жунусбеков "Мегаком" компаниясынын башкы директорунун кеңешчиси болуп дайындалгандыгы тууралуу маалымат тараган. Ал эми Жунусбеков жергиликтүү ЖМКларга бул тууралуу маалыматы жок экендигин билдирген.

"Дайындоо боюнча менин кабарым жок. Өзүм дагы интернеттен окудум. Негизи ушундай сөз болгон, бирок чын же жалган экенин азырынча билбейм", - деди Жунусбеков.

Ал эми "Мегаком" байланыш операторунун басма сөз кызматы менен байланышуу мүмкүн болгон эмес.

Эске салсак, буга чейин “Мекенчил” партиясынан Жогорку Кеңештин депутаттыгына талапкер болгон Төрөхан Жунусбеков өзүн мэрлик кызматка татыктуумун деп айтып чыккан.

Булак: NazarNews.kg