АКШнын мурдагы президенти Дональд Трамп АКШ Конгрессинин Өкүлдөр палатасынын спикери Нэнси Пелосинин Тайванга болгон сапарын кескин сынга алып, муну "акылсыздык" деп атады.

Американын мурдагы лидеринин айтымында, Пелоси Кытайдын Тайвань жана АКШ менен мамилесинин курчушуна түрткү болгон, муну Кытай бийлигинин билдирүүлөрү да, аралдын айланасындагы масштабдуу аскердик машыгуулары да далилдеп турат.

"Эмне болуп жатканын карап тургула, бул сенин көз алдыңда болот. Пелосинин ал жакка барганы кандай келесоолук", - деди Трамп. 

Саясатчы Конгресске шайлоодо республикачылар жеңип, азыркы спикердин "жиндилигине" чекит коёт деп үмүттөнөт.

Трамп буга чейин Пелоси Тайванга конгондон кийин "жинди" деп атаган. АКШнын мурдагы президенти кытай-америкалык мамилелер олуттуу начарлай турганын алдын ала айткан.

Буга чейин Пекин Пелосиге жана анын жакындарына каршы санкцияларды жарыялаган. Анын Кытайдагы Тайванга сапары "жийиркеничтүү жана чагымчыл" деп мүнөздөлгөн. Кытай бийлиги америкалык саясатчы «Кытайдын ички саясатына катуу кийлигишкен» жана анын "мамлекеттик суверенитетине олуттуу зыян келтирген" деп эсептейт.

Эске салсак, 2-август күнү кечинде АКШ Конгрессинин Өкүлдөр палатасынын спикери Нэнси Пелоси Тайванга барды. Ал келүүгө кам көрүп жатканда эле Кытай бийлиги Пелосинин аралга сапары "бирдиктүү Кытай" принцибине каршы келерин жана кырдаалды курчутарын эскерткен. Ал тургай ал учуп келе жаткан учакты Кытай истрибителдери тосуп алышы мүмкүн деген божомолдор айтылган. Бирок Кытай тараптан андай аракеттер болгон жок.

Булак: NazarNews.kg