Түркиядагы акыркы жер титирөөдө топурак көйгөйлөрү имараттардын чоң бөлүгүнүн кыйраганына себеп болгон. Бул тууралуу Түркиянын айлана-чөйрөнү коргоо, шаар куруу жана климаттын өзгөрүшү боюнча министри Мурат Курум билдиргенин Yeni Şafak гезити жазды

«Көпчүлүк имараттар топурактан, топурактын суюлушунан жана инженердик кызматтардын жоктугунан бузулган. Биз жерди изилдөөдө да, курулуш үчүн жаңы жерлерди аныктоодо да шаардын муктаждыктарын эске алуу менен ишибизди улантып жатабыз», - деп жазган министр басылмадан.

Аткаминер урап калган үйлөр 1999-жылга чейин Түркияда да катуу жер титирөө болгондон мурда курулганын баса белгиледи. Ошол каргашалуу окуядан кийин өлкөдө жер титирөө коркунучу бар аймактарда курулуш эрежелери катаалданган.

Курумдун айтымында, катуу жабыркаган имараттар бузуу чечимин кабыл алынат.

«Силкинүүлөр дагы эле уланууда. Газиантепте келтирилген зыяндын көбүн үч күндүн ичинде, ал эми Түркиядагы зыянды аныктоону бир жуманын ичинде бүтүрүүнү пландап жатабыз», - деп жыйынтыктады министр.

18 миңден ашуун адамдын өмүрүн алган 1999-жылдагы катастрофалык жер титирөөдөн кийин Түркия турак жайларды куруу эрежелерин кайра карап чыккан. Тактап айтканда, 2007-жылы жер титирөөдөн коргоо үчүн зарыл болгон талаптарды эске алуу менен үй куруу кодексин кабыл алышкан.

Түркиянын президенти Тайип Эрдоган да шейшембиде трагедиядан кийин урап калган имараттардын 98%ы 1999-жылга чейин курулганын айтты. Анын айтымында, жер титирөөдөн жабыркаган он облуста 41 миңден кем эмес үй кыйрап же жараксыз абалга келген, алар тез арада бузулушу керек.

6-февралда Түркиянын түштүк-чыгышындагы күчү 7,7 жана 7,6 баллга жеткен жер титирөөлөр тогуз сааттык интервал менен болгон. Табигый кырсыктан Сирияда дагы жапа чеккен. Акыркы маалыматтар боюнча, эки өлкөдө тең курман болгондордун жалпы саны 41 миң адамдан ашты.

Булак: NazarNews.kg