Түркиялык "Хатайспордун" чабуулчусу, Лондондун "Челси" клубунун экс-футболчусу Кристиан Ацунун сөөгү Түркияда урандылардын астынан табылды. Бул тууралуу футболчунун агенти Мурат Узунмехмет өзүнүн Twitter баракчасына билдирди.

Эске салсак, Түркияда өткөн аптада болгон кыйраткыч жер титирөөлөр башталгандан бери Ацунун кайда экени жана абалы тууралуу белгисиз болуп жаткан. Буга чейин "Хатайспордун" өкүлдөрү футболчу трагедия алдында түрк клубунан кетүүнү көздөп жатканын билдиришкен.

Атсу 31 жашында каза болду. Гана курама командасынын оюнчусу карьерасында Англиянын «Челси», «Эвертон», «Ньюкасл» жана «Борнмут», португалиялык «Порту», ​​испаниялык «Малага» жана башка клубдарда ойноого жетишкен. Атсу түркиялык Хатайспорго 2022-жылы сентябрда гана кошулган.

Булак: NazarNews.kg