Улуттук статистика комитети 2018-жылы Кыргызстанга жалпысынан дүйнө өлкөлөрүнөн 1 млн. 400 миң турист келгенин, алар биздин өлкөгө болжол менен 27 млрд сом таштап кеткенин кабарлады. Бул көрсөткүч ИДПнын 5 пайызын түзөт. Көпчүлүгү, тагырагы 900 миңдейи Ысык-Көлго эс алууга келишкен. 2017-жылы деле ушундай көрсөткүчкө жеткен. Ал эми чек ара кызматы өткөн жылы Кыргызстанга келип кеткен адамдардын саны мурунку жылдарга салыштырмалуу 1, 5 эсеге өсүп, жалпы 7 миллионго жеткенин тастыктады.

Маалымат катары айта кетсек, туристтер эң көп барган өлкө бул - Франция. 2017 - жылы бул өлкөгө эс алып барган адамдардын саны 90 миллионго жетсе, былтыр 89 миллионго жакындаган. Экинчи орунга былтыр АКШны Испания (82 миллион турист) басып өткөн. АКШга барган туруитстредин 73 миллионго жеткен. Кийинки орундарда: Кытай 60 миллионго жакын. Италия 57 млн. Түркия 39 млн.

Булак: "Багыт.кж"