Түркияда калган орусиялык туристтер Россиянын Анталиядагы элчилигинин алдында нааразычылык акциясын өткөрүүгө аракет кылышты. Бул тууралуу Lenta.ru жазып чыкты.

Маалыматка ылайык, онго жакын адам нааразычылык акциясына чыгууну көздөшкөн. Бирок алардын пландары жергиликтүү полиция тарабынан токтотулган. Полиция топтун эки кишисин бийлик менен жолугушууга жана алардын талаптарын аткарууга чакырды.

Нааразычылык акциясынын катышуучуларынын бири Марина Пропенко билдиргендей, Анталияда 400гө жакын орус туристи бар. Алар өз мекенине кайтып келүүнү каалашат жана элчилик бул маселеде жетиштүү колдоо көрсөтпөйт деп эсептешет. Анын айтымында, туристтердин көпчүлүгү бир айдан ашуун убакыттан бери өлкөдө болушуп, жашоо каражаты түгөнүп калышкан.

Ошондой эле, Пропенко жолугушууда орусиялыктар мындан аркы аракеттер жөнүндө так маалымат ала алышпаганын кошумчалады.

Булак: NazarNews.kg