Түштүк-Батыш бажысынын башчысы Нурбек Айтмаматов камалды

Журналист: ПЕРИЗАДА ДҮЙШӨНКУЛОВА

11.06.2021, 18:52

34221

кылмыш жана кырсык

Мамлекеттик бажы кызматынын Түштүк-Батыш бажысынын башчысы Нурбек Айтмаматов мыйзамсыз баюу фактысы менен камалды. Бул тууралуу УКМКнын маалымат кызматы билдирди.

Айтмаматов кызматтык ыйгарым укуктарынан пайдаланып, Түштүк-Батыш бажысындагы товарларды туура эмес декларациялап, коррупциялык схемаларды, товарлардын «жалган транзитин» уюштуруп, натыйжада жашыруун киреше таап турган.

Ал болжол менен 4,5 миллион долларга бааланган 30дан ашык элиталык батирди, 1 млн долларга бааланган 10дон ашык унааны мыйзамдаштырган.

Ошол эле учурда көмүскө кирешенин бир бөлүгүн «К.С.И.» жана «Р.К.» курулуш компаниялары аркылуу мыйзамдаштырып, бирок негизги акциялары Нурбек Айтмаматовго таандык болгон.

Кечээ, 10-июнда Айтмаматов Жазык-процесстик кодексинин 98-беренеси негизинде кармалып УКМКнын убактылуу абак жайына киргизилди.

Учурда тергөө жүрүп жатат.

Булак: NazarNews.kg