Кыргызстандын компьютер колдонуучуларына кубердик чабуул көбүнчө чет өлкөдөн болот. УКМК калктын киберкоопсуздугун камсыздоо масктаныда «Касперский» лабораториясы менен кызматташуу келишимине кол койду. Бул тууралуу аталган кызматтын басма сөз кызматы кабарлайт.

Маалыматка ылайык, бүгүн, 11-июнь УКМК төрагасынын орун басары – Киберкоопсуздукту Координациялоо Борборунун директору полковник Жоробаев Жаныбек Суюнбаевич «Касперский лабораториясынын» Борбор Азия боюнча коммерциялык директору Зубанов Валерий Константинович менен жолугушкан.

Анда киберкылмыштуулукка каршы аракеттенүү жаатында кызматташуу,  УКМКнын  Киберкоопсуздукту Координациялоо Борборунун потенциалын жогорулатуу иштери талкууланды. Кибер кылмыштуулук көбүнчө сырткы аймакта аткарылып жаткандыгына байланыштуу эл аралык деңгээлде иш алып баруу ийгиликтүү болоорун белгилешти.

Жыйынтыгында,  «Касперский» лабораториясы менен кызматташуу жөнүндө документке кол коюулуп, анын алкагында компьютердеги инциденттерге чара көрүү маселелери боюнча иштөөнү күчөтүү пландаштырылды.

Булак: NazarNews.kg