"Бишкек асфальт сервис" муниципалдык ишканасы кайрадан Түштүк Чоң Чүй каналы аркылуу өтүүчү көпүрөнүн курулушуна тендер жарыялады. Бул тууралуу мэриянын басма сөз кызматынан билдиришти. 

Жарыяланган тендерге ылайык, көпүрөнүн узундугу 18 метр, жолдун туурасы 11 метр, жөө адамдар өтүүчү жолдун аймагы эки тараптан 3 метрден болушу керек.

Долбоордун наркы 23 миллион сомду түзөт. Арыздар 13-ноябрь күнү саат 16:55те кабыл алынат.

"Эске салсак, буга чейинки тендер сатып алуу процесси бузулгандыктан жараксыз деп табылган. Чоң Чүй каналы аркылуу өтүүчү көпүрө Жукеев-Пудовкина көчөсүн түштүккө узартуу долбоорунун алкагында курулат. Жол алты тилкелүү, туурасы 24 метр, бөлүүчү тилке болот. Анын заманбап жабуусу бар - майдаланган таш-мастикалык асфальт-бетон", - деп айтылат маалыматта. 

Булак: NazarNews.kg