www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Жусуп Баласагын атындагы Кыргыз улуттук университетинде бүгүн, 17-декабрда Кыргыз Республикасынын Президентинин “Улуттук дем – дүйнөлүк бийиктик” уңгужолу жөнүндө” Жарлыгынын алкагында жогорку окуу жайлардын ролу боюнча форум болуп өттү.
Форумга Кыргыз Республикасынын Мамлекеттик катчысы Арслан Койчиев, жогорку окуу жайлардын ректорлору жана илимий интеллигенциянын өкүлдөрү катышты.
Кыргыз Республикасынын Мамлекеттик катчысы Арслан Койчиев Уңгужолдун маани-маңызын мамлекеттин узак мөөнөттүү өнүгүүсүнүн негизги улуттук идеологиялык багыты катары белгилеп, анын башкы максаты – улуттук баалуулуктарды сактоо менен заманбап билим, илим жана инновацияга таянган атаандаштыкка жөндөмдүү муунду тарбиялоо экенин баса белгиледи.
Мамлекеттик катчы ошондой эле университеттерди улуттук идеяны ишке ашырууда активдүү болууга чакырып, бирдиктүү аракет кылууну сунуштап, жаштарга таалим-тарбия, билим жана улуттук баалуулуктарды жеткирүү үчүн конкреттүү демилгелерди ишке ашырууга чакырды.
Арслан Койчиев сөзүнүн жыйынтыгында Жусуп Баласагын атындагы Кыргыз улуттук университетине базалык университет катары улуттук идеологияны жайылтууда жогорку окуу жайлардын ассоциациясынын ишин координациялоону, илимий-методикалык программаларды иштеп чыгууну, изилдөө платформаларын түзүүнү жана улуттук деңгээлдеги форумдарды, конференцияларды уюштуруу милдеттерин аткарууну тапшырды.
< Предыдущий
Следующий >
Последние новости
