Улуттук коопсуздук боюнча мамлекетик комитети Журат Абдуллаевден («Үмүт и Ко» ЖЧКсынын ээси) жалпы 822 миллион сом табылганын маалымдады.

Билдирүүгөэ ылайык, МУКК тарабынан жүргүзүлгөн ыкчам-иликтөө иш-чараларынын жүрүшүндө «Үмүт и К» ЖЧКсынын ээси Ж.Абдуллаевдин иш бөлмөсүнөн кошумча түрдө ар кандай калибрдеги ок-дарылар, салмагы 2,03 граммды түзгөн баңги заты, ошондой эле ири өлчөмдөгү акча сакталган жай табылган, атап айтканда:

1) 7,354,475 АКШ доллары;

2) 209,164,100 сом;

3) 100,960 евро

4) 1,055,900 рубль;

5) 155 дирхам.

"Табылып алынган каражаттардын жалпы суммасы 822 миллион сомго барабар.

Маалыматтарга караганда, учурда «Үмүт и Ко» ЖЧКсынын КР салык органдарына 10 млн сомдон ашык карызы бар болгон.

Ошону менен бирге, тергөө иш-чаралары алынган курал-жарактар жана ок-дарылар боюнча гана жүргүзүлүп, «Үмүт и Ко» ЖЧКсынын ишкердигине тоскоолдук кылбай турганын белгилейбиз", - деп айтылат маалыматта.

Учурда ишкананын өндүрүшү штаттык режимде иштеп жатат.

Эске салсак, Абдуллаев ок атуучу куралдарды жана жардыргыч заттарды мыйзамсыз сактагандыгы үчүн кармалган.

Кармалган жарандын үйүн тинтүү учурунда атайын техника – бронетранспорттук чалгындоо-патрулдук унаа – БРДМ-2 үлгүсүндөгү 7,62 мм калибрлүү Калашников танк автоматы табылган. Мындан тышкары көп сандаган ок атуучу куралдар, ок-дарылар жана жардыргыч түзүлүштөр (Ф-1 гранатасы) жана травматикалык куралдар табылган.

Булак: NazarNews.kg