www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Куткаруучулар Украинанын Чугуев шаарындагы Маданият үйүнүн урандыларынын алдынан 36 жаштагы Сардор Хакимовдун денесин алып чыгышты.
Чугуев шаары 26-июлда орус армиясынын ракеталык соккусуна кабылган. Өзбекстанда туулуп-өскөн Хакимов согуш башталгандан бери шаар тургундарына өз эсебинен палоо жасап, таратып келген.
Маалыматтарга караганда, Маданият үйүнө сокку урулган учурда Хакимов палоо жасап жаткан. Куткаруучулар урандылардын алдынан эки баланын энеси Виктория Мишаринанын да денесин алып чыгышты. Ал да согуш башталгандан бери Чугуев шаарында ыктыярчы болуп жүргөн.
Украин басылмалары кабарлагандай, Хакимов 2000-жылдардан бери Луганск облусунун Северодонецк шаарында жашап келген. 2014-жылы согуш башталгандан кийин Чугуев шаарына көчүп барып, ал жакта өзбек ашканасын ачкан.
Быйыл 24-февралда Орусия Украинага кол салгандан кийин ал үй-бүлөсүн (аялы менен төрт баласын) Өзбекстанга жөнөтүп, өзү ыктыярчы катары адамдарга жардам берүү үчүн Чугуев шаарында калган.
Булак: NazarNews.kg
< Предыдущий
Следующий >
Последние новости
