www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg

Улуттук банк өлкөнүн валюта базарында

Улуттук банк өлкөнүн валюта базарында "накталай АКШ долларынын жетишсиздигин" мойнуна алды

Журналист: ЭЛИЗА ХАМРАЕВА
23.06.2022, 15:11
5660
|

Улуттук банк өлкөнүн валюта базарында "накталай АКШ доллары жетишсиз болуп жатканын" мойнуна алып, бул калктын валюта алмаштыруу операцияларындагы суроо-талабын толук канааттандырууга мүмкүнчүлүк бербей жатканын билдирди. Бул тууралуу Башкы көзөмөл органдын эл аралык акча которуу системалары аркылуу келген каражатты алууда кыйынчылыктарга кабылып жатканына даттанган жарандардын кайрылуусуна берген жообунда жазылган.

Улуттук банктын маалыматына караганда, АКШ валютасынын тартыштыгы "айрым жеке жана юридикалык жактардын өлкө аймагына накталай эмес рубль жана доллар алып кирип, аларды Кыргызстандын банктарында накталай акчага которуп чыгарып кетип жатканына” байланыштуу.

"Мындай операциялардын негизси максаты – рубль менен доллардын ортосундагы курстун айырмачылыгынан спекулятивдик киреше табуу. Бул айрым кыргыз банктарын эл аралык акча которуу системалары аркылуу келген каражатты ала турган кардарларды тейлөөдөн убактылуу баш тартууга аргасыз кылып жатат", – деп жазылган Улуттук банктын билдирүүсүндө.

Мекеме ошондой эле быйыл апрель айында акча которуу системасына өзгөртүүлөр "экономикалык коопсуздукту камсыз кылуу жана накталай АКШ долларынын өлкөдөн тышкары чыгышынын жагымсыз кесепеттерин минималдаштыруу максатында кабыл алынганын" белгиледи. "Учурда эл аралык акча которуу системасы аркылуу келген каражат ал жөнөтүлгөн өлкөнүн валютасы же улуттук валюта менен гана берилет", – деп жазылган билдирүүдө.

Мындан тышкары Улуттук банк акча которуунун суммасына эч кандай чектөө киргизилбегенин белгилеп, айрым коммерциялык банктардын чектөөлөрүн ал банктардагы накталай доллардын "жетишсиздиги" менен түшүндүрдү.

Доллардын курсу түшүп жаткан маалда Улуттук банк 17-июнда валюта рыногунан 51,4 миллион доллар сатып алган Ушуну менен өлкөнүн негизги банкы 2022-жылдын башынан тартып 11 интервенция жасады. Анын беш учурунда чет элдик валютаны сатып алган.

Дээрлик эки жыл 85 сомдун тегерегинде туруктуу кармалып келген доллар 24-февралда Орусия Украинага согуш ачкандан кийин кымбаттай баштаган. Март айында бир доллар 106 сомго чейин жетип кайра арзандап жатат.

Булак: NazarNews.kg



Поделитесь с друзьями