1-октябрда Кыргызстандын Улуттук банкы валюта рыногуна 7,6 миллион доллар өлчөмүндө интервенция жасады, деп маалымдайт Улуттук банк.

Улуттук банк бүтүм жасалган күндөн кийин эсептешүү менен 7,6 миллион доллар сатты.

1-октябрдагы интервенция акыркы мезгилде экинчи ирет болду. 27-сентябрда Улуттук банк 31,1 млн доллар саткан. Жалпысынан, 2021-жылы Улуттук банк валюта рыногуна сегиз жолу интервенция жасап, 311 миллион 150 миң доллар саткан. Валюта интервенциясы - өлкөнүн борбордук банкынын улуттук валютаны кармап турууга багытталган аракет. Анын жүрүшүндө ири өлчөмдөгү валюта бир убакта же чектелген мезгилде сатылат.

Булак: NazarNews.kg