Иштебеген адамдар үчүн айлык маяна алып жүргөн Улуттук илимдер академиясынын алдындагы Суу көйгөйлөрү жана гидроэнергетика институтунун кызматкерлерине кылмыш иши козголду. Бул тууралуу 1-июнда Башкы прокуратуранын басма сөз кызматы билдирди.

Маалыматка караганда, жогоруда аталган институттун жооптуу кызматкерлери 2013-жылдан тартып ушул күнгө чейин иштебеген үч адам үчүн айлык маяна жаздырып, кийин өздөрүнө өткөрүп келишкен. Мындай иш-аракеттердин натыйжасында мамлекетке 720 миң сом өлчөмүндө материалдык зыян келтирилген. Факты боюнча "ишенип берилген мүлктү өзүнө өткөрүп алуу", "кызматтык жасалмалуулук" беренелери менен кылмыш иши козголду.

Камчыбек Бостон, NazarNews.kg

Москва шаары