Кыргызстан Журналисттер союзунун төрагасы Абдыкадыр Султанбаев: Кээ бир эксперттер катуу сынга алып, артка чакыртып алыш керек деген Маалымат каражаттары тууралуу жаңы мыйзамдын долбоору анчалык деле жаман эмес, бирок, албетте, кээ бир мүчүлүштүктөр бар. Аларды кеңири талкуулап, ачык айтып, сунуш жасап, мыйзам долбоорун жакшыртыш керек. Өткөн аптада уюштурулган кээ бир митингдер болсо мыйзам чегинен такыр эле чыгып кеткен – «Азаттык» же «Клоопту» жаап салыш керек деген чакырыктар акылга сыйбайт, алардын кайсы бир айтканы же жазганы ката болсо, аны ачык талкуулап, маселени мыйзам чегинде чечиш керек...