Эл аралык жана геосаясий изилдөөлөр борборунун директору, саясий серепчи Бакытбек Жумагулов: 2001-жылы Нью-Йоркко каршы террордук чабуул жасалып, андан соң Вашингтон Ооганстага аскер киргизип жана, өзгөчө, 2003-жылы АКШ Иракка кол салгандан кийин эл аралык мамилелерде баш аламандык башталды. Бириккен улуттардын аброю төмөн түшүп баратат, анткени ушул сыяктуу маселелерди чече албайт, Украинадагы азыркы согуш аны дагы бир жолу айгинеледи.

Мындай жалпы баш аламандык учурунда Кыргызстандагы саясий маселелер дагы татаалданууда. Парламентаризм шартында президент болуп шайланган Акаев кийин авторитардык башкарууга бурулду, аны кийин башка президенттер дагы улантты жана азыркы бийлик – мындай шартта президенттик башкаруу киргизип, баардык маселелер үчүн эми президент жооп берет деген саясатты улантууда, бирок кандай болоору азырынча белгисиз...