Кыргызстанды жетектегенге келген ар бир бийлик – өлкө экономикасы талкаланып калыптыр, казына бош, абалды оңдош керек дейт жана андан соң – биз муну оңдодук, биз тигини жакшырттык, биз эң туура өнүгүү жолун тандап-таптык деп мактанат. Мунун баары Акаевден башталган жана ошондон бери уланып келет. Дүйнөдө дүркүрөп өнүгүп, «азиялык жолборс» деген атка конгон мамлекеттер катарына кирген Сингапурдун жетекчиси Ли Куан Ю өз өкмөт мүчөлөрүнөн – эмне болуп кетсе дагы, элге калп айтпагыла, болгонун болгондой маалымдап, абалды оңдогонго аракеттенгиле деген талап койгон...