Энергетика боюнча эксперт Эрнест Карыбеков: Канча бийлик жана өкмөт алмашса дагы, Кыргызстанда энергетика тармагында иштеген шылуундар мамлекетти дагы да талап-тоноп келет. Акыркы мезгилде – электр энергиясын тиричилик максатында керектөө кескин өсүп кетти деген шылтоо менен энергия майнинг компанияларына сатылып жаткандай.

Негизгиси болсо, энергетика боюнча жалпы стратегияны өзгөртүш керек, анткени канча жаңы ГЭС куруп же күн менен шамал энергиясын пайдаланса дагы, алар жалпы маселени чече албайт, Токтогул ГЭСи менен Бишкек жылуулук борборун «жай-кыш» маселесинен арылтуу үчүн Кара-Кечеде көмүр менен иштеген электр станциясын куруу керек. Ошондо гана биз кошуна мамлекеттердин таасиринен дагы кутулабыз, анткени азыр – Нарын суусунун мүмкүнчүлүгүнөн биз 2 гана пайызга пайдаланабыз.