Кыргызстандын улам жаңы мектебинде пионер уюму пайда болгону тууралуу кабарлар келе баштады. Кыргыздар гана эмес, башкалардын дагы көзү желкесинде сыяктуу. Бирок 19-май күнү Бишкекте өткөн салтанаттуу жыйында Орусиянын Санкт-Петербург шаарынан келген коноктор да отурган дейт. Ошол эле күндөрү Бишкекке америкалык мамлекеттик катчынын жардамчысы да келди эле – бул жакта ага суутуп коюптурбу деген кабарлар чыккан.

Мындан 3 жыл мурда Кыргызстандын мектеп окуучуларын Орусиянын Юнармиясына мүчө кылып кабыл алуу демилгеси чыккан. Эгемендиктин алгачкы жылдары орус козактарынын кыймылы күчтүү эле, бирок коом аларды жакын кабыл алган эмес. Эми болсо Москвадагы Кызыл аянт менен Бишкектеги Опера театрында бир мезгилде пионерлер бийлеп жатат.

Саясий технологдор – өсүп келаткан муундун көңүлүн алууга киришкендей. Мындан бир нече жылдан кийин Кыргызстанга каршы атайын аскерий операция башталса, ага чейин өсүп калган пионерлдер аларды гүл менен тосуп алышы мүмкүн.