Жети-Өгүз районундагы «Адилет» кайрымдуулук коомунун төрагасы, эмгек ардагери Мукалай Мойноков: Акыркы жылдары коомубуз бузулуп кетти, элдин баардык катмарларында ачкөздүк күчөдү, ууру-кылмышкер-бузукулар бир-бирин таап, уюшкан топторду түзүп алып, бирдиктүү аракеттенет экен. Бирок коомдогу тазалануу ыкмалары илгертен болгон, анын баары «Манаста» да айтылган. Ар бир айылда он-чакты кадыр-барктуу адам биригип, бузукуларды кичипейилдик менен уяткарып турса, коом оңолот эле, бирок жергиликтүү атка минерлер ага каршы болууда, ошондуктан ушундай элдик демилгени колдоо боюнча жогору жактан чечим чыкса жакшы болоор эле...