«Журналисттер» коомдук бирикмесинин төрагасы Нурдин Дүйшөнбеков: Маалымат каражаттары тууралуу мыйзам долбоору менен кошо бир эле мезгилде бийлик тарабынан бир нече башка мыйзам дагы даярдалып, айрымдары кабыл алынып кетти, мисалга, жалган маалымат тууралуу мыйзам, бейөкмөт уюмдар тууралуу же чет өлкөлүк агенттер жөнүндөгү мыйзамдар. Алардын баары чогуу иштей баштаса, сөз эркиндиги гана эмес, жалпы эле жарандардын эркиндиги чектелип, демократиялык өнүгүү жолунда Кыргызстан бир кыйла кетенчиктейт. Бийликте отургандар – курулай сын токтосо, тынч жашап-иштейбиз деп алданууда, бирок эркиндикти чектөө жалпы коомго залака алып келет...