Коомдук ишмер Топчубек Тургуналиев: Курултай учурунда Жогорку кеңештин төрагасы Нурлан Шакиев туура сөз айтып, Бишкектин 4 ооданынын советтик аталыштарын өзгөртүп, аларды кыргызчалаштырыш керек дегенине Орусиянын Мамлекеттик думасынын эл аралык иштер комитетинин төрагасынын биринчи орун басары Светлана Журова дароо жооп берип, андай болгондо – Кыргызстан Украинанын жолуна түшөт деп сүйлөдү. Курултай өз ишин эртеси да улантты, бирок Журованын сөзүнө эч кандай расми жооп кайтара алган жок. Кыргызстан эмгиче саясий жана маданий жактан Орусиянын оторчулугунан кутула элек, Москва болсо кылымдар бою өзүнүн шовинисттик саясатын улантууда жана ага – Украинага каршы анын жүргүзүп жаткан баскынчылык согушу далил.