Мурдагы омбудсмен, «Консолидация жана диалог кыймылынын (КДК)» төрагасы Турсунбек Акун: Биз бүгүн кеңири тегерек стол өткөрүп, ага ички жана тышкы иштер министрликтеринин, баш прокуратуранын, өкмөт менен президенттик аппараттын өкүлдөрүн чакырганбыз, МВД жана МИДдин гана өкүлдөрү келди, бирок октябрда жапырт камалган отузга жакын активисттин адвокаттары менен туугандары катышып, талкуу өткөрдүк. Жыйынга Клара Сооронкулованын атасы, 92 жаштагы Сыргак Сооронкулов дагы келип, сүйлөп берди. Баарынын тилеги – сот жүрө берсин, бирок соттолуп жаткандарды үй камагына деле чыгарып койсо болмок, алар качып кетпейт жана андан эч кимге зыян болбойт эле...