Профессор, тарых илимдеринин доктору Тынчболот Джуманалиев: Кээ бир элдер 32 эмес, 15 эле жылдын ичинде жакырчылыктан чыгып, өз өлкөлөрүн өнүккөн мамлекеттердин катарына кошо алган. Кыргызстан болсо дагы эле изденүүдө жана биздин өнүгүүгө жолтоо болуп жаткан – каныбызга сиңип кеткен коррупция, коррупциянын негизинде болсо трайбализм – уруучулук жана жердешчилик – жатат.

Мындай оорудан арылыш үчүн саясий эрк керек жана улуттун элитасы жаш муундарды жана жалпы элди гана эмес, өлкө жетекчилигин дагы тарбиялоого тийиш. Бизде болсо элита өзү жокко эсе, ошол себептен жетекчиликте дагы, эл арасында да жоопкерчлик сезими жок. Натыйжада, Гюстав Лебон айткандай, ар бир эл өз мүнөзүнө жараша мамлекет түзөт дегендей болуп жатабыз...