Белгияда адамдын сөөгү менен тургузулган дубал табылды. Бул тууралуу чет элдик маалымат булактары жазып чыкты.

Маалыматка караганда,  адамдардын башы жана башка дене мүчөлөрүнүн сөөгүнөн тургузулган дубал Бельгиянын Гент шаарындагы Ыйык Бавон чиркөсүнүн жанынан табылган.  Табылган дубал XVII–XVIII кылымдарда жашаган адамдардын сөөгүнөн курулгандыгын археологдор божомолдошууда.  Алардын айтуусуна караганда,  каза болгон адамдарды көмүүгө жер бошотуу үчүн көрүстөнгө мурда коюлган сөөктөрдү көчүрүшкөн. Себеби диний ишенимдер боюнча адамдын сөөгүн ыргытып салууга тыюу салынган.

Бирок, тарыхый табылга туристтер үчүн сакталбай турган болду.  Себеби чиркөнүн аймагына жаңы мекеме куруу үчүн сөөктөрдү алып салуу пландалган.

Булак: NazarNews.kg