Ат-Башы районунда коронавирус инфекциясы менен жабыркаган бир да адам калган жок. Бул тууралуу райондук ооруканда иштеген дарыгерлер NazarNews маалымат агенттигине билдиришти. 

Маалыматка ылайык, райондо жалпысынан 77 адамдан коронавирус аныкталган. Бүгүнкү күндө бир дагы бейтап калган жок, бардыгы айыгып, үйлөрүнө чыгышкан. 
"Тургундар медицина кызматкерлеринин айткандарын аткарып, тартипти сактап иш алып барышса, илдеттен кутулуу жеңилдейт", - дешет алар.

Бул тууралуу райондун акими Нурбек Сатаров: "Кубанууга али эрте. Анткени обсервацияда жаткандар бар. Мындан улам ар бир жаранды тартипти сактоого чакырат элем. Биз тартип менен гана бул ооруну жеңип чыгабыз", — деп билдирди.

Булак: NazarNews.org