www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Бишкекте ири өлчөмдө психотроптук заттарды сатуу менен алектенген интернет-дүкөндүн уюштуруучусу кармалды. Бул тууралуу Ички иштер министрлигинен билдиришти.
Маалыматка ылайык, "В" Интернет дүкөнү Telegram`дагы өз каналы аркылуу баңги жана психотроптук заттарды Бишкек шаарынын аймагында "кыстырма" деп аталган жашыруун жерлер аркылуу сатып келген. Дүкөндүн Telegram мобилдик тиркемесинде 1000ден ашык катталуучусу болгон.
Ыкчам-тергөө иш-чараларынын жүрүшүндө милиция кызматкерлери “В” интернет-дүкөнүнүн уюштуруучусу, оператору жана курьер болгон 1999-жылы туулган М.А. аттуу жаранды аныкташып, 12-апрелде Бишкектен кармашкан. Тергөө аракеттеринин жүрүшүндө шектүү өз ыктыяры менен Бишкек шаарынын аймагындагы психотроптук заттар катылган жашыруун жерлердин даректерин көрсөтүп берген.
Кийин жашыруун жерлерден табылган заттарга соттук-химиялык экспертиза жүргүзүлүп, алар “метамфетамин” психотроптук зат экени аныкталган.
Учурда кармалган жаран Бишкек ШИИБнын Убактылуу кармоо жайына киргизилип, анын башка интернет-дүкөндөр менен кылмыштуу байланыштарынын бар экендиги боюнча кошумча ыкчам-издөө иш-чаралары жүргүзүлүүдө.
Булак: NazarNews.kg
< Предыдущий
Следующий >
Последние новости
