ВИДЕО: Чүйдү кара желек аралады. ИГИЛби?

Журналист: NAZARNEWS

27.08.2018, 22:18

28020

коом

Кечээ Чүйдүн Москва районундагы Александровка айылында жолоочулар “Ислам мамлекети” (ИГИЛ) террористтик уюмунун желегин булгалап бараткан унааларды байкашканын кабарлашты. Тынсызданган тургундардын билдирүүлөрү Фейсбукта таркап, атайын кызматтардан жооп күтүштү. Видеотасмадан чындыгында кара түстөгү, арабча жазуулары бар, ИГИЛдин эн белгилерине окшогон желекти желбиретип бараткан унааны көрүүгө болот.

Бүгүн Чүй ички иштер башкармалыгы ал желек Gerger унаа сүйүүчүлөр клубуна таандык экенин, анда ИГИЛдин эмес, клубдун эн белгиси түшүрүлгөнүн билдиришти. Айтымында, клубдун мүчөлөрү Беловодск айылындагы балдар үйүнө кайрымдуулук акциясын уюштуруга баратышкан.

Бирок, салыштырууда клубдун байрагы менен видеотасмадагы көрүнгөн желектин ар башка экендигин, бири-бирине таптакыр окшобостугун байкоого болот. Чындап эле Чүйдү ИГИЛдин желеги аралап жүрөбү?

Булак: NazarNews.kg