Социалдык тармактарда Өзгөн районунун Куршаб айылындагы оорукананын дарыгери медициналык мекемеде жеке коргонуу шаймандарынын жоктугуна нааразы болгон видео пайда болду.

Дарыгердин айтымында, ооруканада респираторлор, бет каптар жок, атүгүл пневмония жана жугуштуу коронавирус менен күрөшө турган дары да жок.

«Бизде көп нерсе жетишпей жатат. Анын ичинде ИВЛ аппараты, респираторлор, СИЗ, халат, чепчик, бахила, пульсоксиметрлер жана башка каражаттар жок. Мүмкүн болсо, бизге жардам берүүңүздөрдү суранабыз”, - деди дарыгер.

Анын айтымында, чакыруу болгон учурда дене табы көтөрүлгөн бейтаптарга тиешелүү форма жоктугуна байланыштуу жөнөкөй кийим менен барууга аргасыз болушууда. Ал эми мындай шарт дарыгерлердин ооруга чалдыгуусуна себеп болору бышык.

Булак: NazarNews.kg