www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Түркияда кыргызстандык куткаруучулар издөө-куткаруу иштеринин натыйжасында урандылардын астында аман калган бешинчи жаранды куткарды. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, бүгүн, 13-февралда куткаруучулар Кахраманмараш шаарындагы “Хайрылло махелеси” аталган аймагынан ураган имараттын арасынан 38 жаштагы Хадиче Ахар аттуу аял кишини тирүү алып чыгышты.
Белгилей кетсек, Кыргызстандан Түркияга 7-февралда 67 куткаруучу жана издөө иштерине үйрөтүлгөн эки ит жөнөтүлгөн.
Ал эми кечээ, 12-февралда 80 куткаруучу, үч дарыгер жана 78 боз үй менен боз үй тигүүчүлөр жөнөтүлсө, бүгүн 13-февралда 35 адам, алардын ичинде - үч дарыгер, үч боз үй тигүүчү жана куткаруучулар учуп кетишти.
Мындан сырткары, 49 боз үй, мобилдүү кийиз үй жана медикамент түрүндө гуманитардык жүк жөнөтүлдү.
Буга чейин кыргызстандык куткаруучулар урандылдардын астынан 4 адамды куткарып, 104 жарандын сөөгүн чыгаргандыгы кабарланган.
Эскерте кетсек, 6-февралда таңга жуук Түркия жана Сириянын аймагында очогунда 7,8 баллга жеткен катуу жер титирөө катталып, бир нече шаар кыйраган. Кийин жер титирөө дагы кайталанып, анын күчү очогунда 7,6 баллга жеткен.
Булак: NazarNews.kg
< Предыдущий
Следующий >
Последние новости
