Бүгүн Лондондо ханыша Елизавета IIнин акыркы сапарга узатуу зыйнаты өтүүдө. Ал 8-сентябрда 96 жашында каза болуп, Британиянын тарыхындагы эң узак - 70 жылдан ашуун тактыда отурган монарх болуп калды. Маркумду акыркы сапарга узатуу зыйнаты Британ Шериктештигине кирген өлкөлөрдүн коомдук телеканалдары тарабынан түз эфирде көрсөтүлдү.

Дүйшөмбү күнү эртең менен каза болгон монарх менен коштошууну каалагандар үчүн Вестминстер сарайына кирүү жабылды. 14-сентябрдан бери миңдеген британиялыктар жана башка штаттардын жарандары Елизавета IIге таазим кылышты. Алар 12 сааттан ашык турууга аргасыз болгон көп километрге созулган кезекке тизилишкен.

Вестминстер Холлдон королдук үй-бүлөнүн коштоосунда табыт жакын жердеги Вестминстер аббаттыгына өткөрүлүп берилди, ал жерде жергиликтүү убакыт боюнча саат 11.00дө (Астана убактысы боюнча 16.00) эскерүү иш-чарасы башталды. Ага падыша Карл III, падышалык үй-бүлө мүчөлөрү, Кентербери архиепискобу, Улуу Британиянын премьер-министри Лиз Трасс жана конфессиялардын өкүлдөрү катышты.

Эскерүү иш-чарасына 2000 адам чакырылган. Елизавета IIди акыркы сапарга узатуу зыйнатына 500гө жакын мамлекет башчылары жана чет элдик лидерлер катышууда. Беларустун, Венесуэланын, Сириянын, Ооганстандын жана Мьянманын өкүлдөрү сыяктуу Елизавета II менен коштошуу аземине Орусиянын расмий өкүлдөрү да чакырылган жок. Коштошуу зыйнатына Кыргызстандын атынан вице-премьер-министр Эдил Байсалов катышууда.

Эскерүү кечеси "Кудай падышаны сактасын" деген ырды ырдоо менен аяктады - азыр Британиянын гимнинин биринчи сабы ушундай жаңырып жатат. Елизавета IIнин сөөгү маркум кйөөсү ханзаада Филипптин жанына коюлат.

Би-Би-Си ханышанын акыркы сапарга узатуу зыйнатына Лондонго 1 миллионго чейин адам келиши мүмкүн экенин билдирди. Мындай маалыматты Transport for London басылмасы шаар четиндеги поезддерге сатылып алынган билеттердин санына таянып билдирди.

Лондон полициясы ханышанын өлүмүнө байланыштуу иш-чараларда тартипти камсыз кылуу бул кызматтын тарыхындагы эң ири операция экенин билдирди. "2012-жылдагы Олимпиададан чоңураак, ханышанын платина юбилейинен чоңураак", - деди Скотланд-Ярддын өкүлү.

Елизавета II 8-сентябрда 96 жашында каза болгон. Анын тун уулу Чарльз Карл III деген ат менен Улуу Британиянын жаңы падышасы болуп жарыяланган.

Булак: NazarNews.kg