www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Бейшембиде Орусиянын ондогон шаарында Украина менен согушууга каршы нааразылык акциялар өттү. Митингге бийлик уруксат берген эмес. "ОВД-Инфо" бейөкмөт уюму билдиргендей, 24-февралда Орусиянын 53 шаарында 1700дөн ашык кишини полиция кармап кетти.
Уюм Москвада 900, Санкт-Петербургда 400 адам кармалганын маалымдады.
Москвадагы митингди чагылдырып жаткан "Свобода" радиосунун үч кабарчысы кармалды. Алардын бири кармоо учурунда тартылган видеону редакцияга жөнөтүүгө үлгүргөн. Видеодо кабарчы пресса өкүлү экенин айтып жатса да, полиция кармап баратканын көрүүгө болот. Журналистти тартип коргоочулар сүйрөп барып, автобуска салышкан.
Кармалгандар "Кунцево" ички иштер бөлүмүнө жеткирилип, бир нече сааттан кийин адвокаттын кийлигишүүсү менен бошотулду. Акция учурунда башка ЖМК кызматкерлери да кармалганы айтылууда.
Baza телеграм-каналы өз булактарына таянуу менен шаар полициясы чагым деп эсептелинген көрүнүштөрдүн баарына бөгөт коюу боюнча тапшырма алганын билдирди. Маселен, Украина желегин же курч антиаскердик билдирүүлөр жазылган плакаттарды көтөрүп жүргөндөр жазаланышы мүмкүн.
Булак: NazarNews.kg
< Предыдущий
Следующий >
Последние новости
