Жогорку Кеңештин депутаты Айгүл Айдарова билим берүү жана илим министринин орун басары Надира Жусупбекова менен айтыша кеткендигин “Спутник” жазып чыкты.

Депутат социалдык саясат комитетинин жыйынында аткаминерден "мектепте бир баланын ысык тамагы үчүн 7 сом каралган, ошол акчага жасалган тамакты жеп көрдүңүзбү?" деп сурады.

"Бул жерде отурган ар бириңиздерге суроо, ушунчалык бала, мамлекет үчүн деп жатабыз. Калп эле күйүмүш болуп, кулакка "лапша" илип жатабыз. Чындыкты карайлы. Бирөөңүздөр кирип 7 сомдук тамакты жеп көрдүңүздөрбү? Жөн эле айтып көрсөңүздөр "жок же ооба" деп эле. Мага кызык болуп жатат", — деди Айдарова.

Андан соң депутат менен министрдин орун басарынын суроо-жообу төмөнкүдөй уланды:

Жусупбекова: — Азык-түлүк кымбаттай электе кирип карап эле жүрчүбүз, тамак жеткирүүчү компаниялар менен тендер өткөрүп турганбыз. Кийин кымбаттаганда Финансы министрлигине бардык, Саламаттык сактоо министрлиги менен биргеликте кат дагы жаздык.

Айдарова: — Менин суроомо эле жооп бериңиз, башка эч нерсенин кереги жок. Кирип жеп көрдүңүзбү деп атам. Кымбат-арзаны тууралуу сураган жокмун. Бул баарына тиешелүү, кааласаңыз жаныңыздагы ага-эжекелер жооп берсин.

— Келиңиз, суроо бергенден кийин мага дагы жооп бергенге мүмкүнчүлүк бериңиз.

— Балаңызды же небереңизди жетелеп барып жеп көрдүңүзбү, жөн эле кызыгып?

— Суроого жооп бергенге мага мүмкүнчүлүк бериңизчи, суранам.

— Мүмкүнчүлүк берсем, суроонун айланасында айланып жүрөсүз. Кыска эле айтыңыз болду.

— Мен айланып жооп берип аткан жокмун. 1-4-класстын окуучуларына үч жолу тамак жасабайт, бир жолку ысык тамак. Анан 7 сомду өзүнчө албайт, ал жалпы жасалат. Азыр кыйналып жатабыз, оор болуп жатат. Азыр компот менен бир булочка бергенге мажбур болуп турабыз. Чындыкты ачык эле айтып жатпайбызбы.

— Макул, арзан убагында дагы жеп көрдүңүз беле?

— Арзан убагында дагы жегенбиз, азыр да кирип көрүп, кыйналып жатабыз. Мына Ысык-Ата районунда тендер алты жолу кайра жарыяланды.

— Жок, ачык айтканыңызды билип атам, кымбаттаганга чейин жана андан кийин жеп көрдүңүзбү? Анын баарын түшүнөм бюджетке келип такалып жатат. Мен ортодогу айырманы эле сурадым, башка эч нерсенин кереги жок.

— Арзан кезинде (азык-түлүк) жеп көрдүм абдан даамдуу, жакшынакай жасалган тамак. Кымбаттагандан кийин да көрдүм айла жоктон компот менен булочкага өттүк.

Аягында депутат мектептердин тамагын текшерүү үчүн айттырбай күтүүсүз жерден барууну сунуштады.  

“Чимкириктерден” чы.кактар ылакап атына конгон жаңы келген эл өкүлү Айгүл Айдарова социалдык тармакта талкууга алынды.

Асан Акматов: Депутаттын дээңгелин көрсөтүп жаткандагысы. Ал жерге кыйынсынып, отуруп албай, кекетип-мокотпой маданиятуу сүйлөп, чогуу мектепке барып, ал-абалды билсе болот беле! Депутатмын деп дердеңдей берсе боло берет деген олдоксон ой тура!

Рустам Абдыкеримов: Бул кайсыл базардан келген катын? Ментовской замашкаңды ментурада калтыр бул жер сага РОВД эмес допрос кылгандай, кичине этиканы сактасаң. Тигил катында эмне күнөө аларга акча бөлүп бербесе өзүнүн чөнтөгүнөн алып бермек беле.

Назгуль Мамытова: Айгүл Айдарова! Тамакты эмне кыласыз, андан көрө окуучулар жакшы тамак жеш үчүн жакшы мыйзам жазыңыз! Жогорку Кеңеш РОВД эмес!

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от NazarNews.org (@nazarnews_org)

Булак: NazarNews.kg