Жогорку Кеңештин депутаты Рыскелди Момбеков жергиликтүү телеканалга маек берип жатып, куудул Тынар Курбаналиевди депутаттыкка чакырып,  күзүндөгү парламенттик шайлоодо эски депутаттар кайра шайланса Орусиянын жарандыгын алам деген сөзүнө пикирин билдирди.

«Тынар Курбаналиев деген куудул айтып кайра эски депутаттар келсе, көчүп кетем, жарандыктан баш тартсам дептир. Тынар, сен кетпе ушулар кетсин. Алардан зыян, сенден пайда. Керек болсо депутаттыкка кел, «Ата-Мекен» менен аттан.

Депутаттар куудул болсо болот, куудулдар депутат болсо болбойт бекен? Керек болсо Украинада куудул президент болду. Сен экөөбүз бүлдүргөндү билбейбиз, күлдүргөндү билебиз. Сен экөөбүз сүйлөсөк жугумдуу болот, алар сүйлөсө жугунду болот», – деди Момбеков.

Булак: NazarNews.kg