22-июнь күнү саат 20:20 чамасында Талас районунда жааган жаандын кесепетинен кокту-колоттордон чогулган сел суулары Көпүрө-Базар айылынын Таштанаалы көчөсүндө жайгашкан 2 үйдүн короосуна суу кирген.

Өзгөчө кырдаалдар министрлигинин басма сөз кызматы билдиргендей, селдин кесепеттерин жоюга Талас райондук өзгөчө кырдаалдар бөлүмүнөн ыкчам топ жана 16 куткаруучу тартылган. Куткаруучулар мотопомпанын жардамы менен суу сордуруу иштерин жүргүзүшкөн.

Бүгүн, 23-июнда тактоо иштери жүргүзүлүүдө.

Булак: NazarNews.kg