Баткен облусундагы Сох анклавынын Сарканда айылында Өзбекстандын жарандары дарыяны төрт айылды байланыштырып турган чоң жолго буруп салышкан. Бул тууралуу «7-каналдын» аймактык кабарчысы маалымдаган.

Маалыматка ылайык, Өзбекстандык жарандар тажик улутунан экендиги белгилүү болду.

«Дарыя суусунун көлөмү чоң болгондуктан жолдор тайгалак болуп, өтүүгө мүмкүнчүлүк болбой жолдогу кыймыл токтогон. Ал жол Кыштут, Дара, Төрт-Гүл, Кара-Бак айыл аймактарын туташтырып турат», — деп берилет маалыматта.

Учурда окуяга байланыштуу бийлик тараптан комментарий бериле элек...

Булак: 7-Канал