Жетим-Тоону коргоо кыймылы вице-премьер-министринин милдетин аткаруучу Максат Мамыткановдун BBCге берген маегинде айтылган маалыматтар боюнча ага жооп берди. Билдирүүнү аталган кыймыл социалдык тармактагы түз эфир аркылуу билдирди.

Билдирүү жасаган Тилекмат Куреновдун айтымында, азыркы эң эле орчундуу маселе бул – Жетим-Тоону коргоп калуу.

«Кыргызстандын экономикасын көтөрө турган өлкөдө Жетим-Тоодон башка кенибиз жок. Ал эми кечээ, министр Максат Мамыткановдун BBCге берген маегинде айткандары такыр туура эмес. Бизде башка мамлекеттердегидей запастагы кен-байлыктарыбыз да жок. «Кумтөр» дейбиз, бирок, андан деле канчалаган алтындар сыртка чыгып жатат. Өлкөнү өнүктүрүүнүн жолун өзүбүздөн издейли», - деп айтылат билдирүүдө.

Булак: NazarNews.kg