Ысык-Көлдө кырсыктан эки адам каза болду. Бул тууралуу облустук Жол кайгуул кызматы билдирди.

Маалыматка ылайык, кырсык кечээ, 2-августта саат 15.20лар чамасында Чырпыкты жана Тору-Айгыр айылдарынын ортосунда болгон. Опел-Зафира унаасынын 21 жаштагы айдоочусу, Кара-Балта шаарынын тургуну рулду башкара албай жолдон чыгып кеткен.

Натыйжада 1982 жана 1966-жылы туулган жүргүнчүлөр жеринде каза болушкан.

Ал эми, айдоочу жана 21 жаштагы жүргүнчү жаракат алып, Балыкчы шаардык ооруканасынын жандандыруу бөлүмүнө жаткырылган.

Аталган факты Ысык-Көл облусунун ички иштер башкармалыгына катталып, экспертизалар дайындалды. Учурда тергөө иштери жүрүп жатат.