Саясатчы Жеңиш Молдокматовду Ички иштер министрлигине суракка алып келишти. Анын туугандары жана тарапташтары ИИМдин алдына чогулуп, күтүп турушкан. Саясатчынын апасы баласын кучактап ыйлады. Анда Молдокматов "Апа баары жакшы болот" деп суракка кирип кетти. 

Ал эми анын тарапташы Эрлан Бекчороев өзүнүн социалдык баракчасына видео жүктөп, иши качан каралаарын айткан.

"TURAN" партиясынын лидери Жеңиш Молдокматовду Ички иштер министрлигине суракка алып келишти. Баш коргоо чарасы бүгүн Биринчи май райондук сотунда каралат. Так убактысын алдын ала маалымдайбыз. Бүгүн Жеңиш Молдокматовдун туулган күнү. Элдин жаркын келечеги үчүн көп жашаңыз!", - деп жазган Бекчороев. 

Булак: NazarNews.kg