«Убактылуу Өкмөттүн шалаакылыгынын акыры кан төгүү менен аяктады», - деди саясатчы Жылдызкан Жолдошова.

«Ар бир саясатчы алдыда дагы Ош окуясы кайталанбасын десе, эч качан сепаратистик күчтөр менен соодалашпашы керек. Бул каргашалуу окуя эч качан эч кимдин эсинен чыкпайт! Бул окуяга Убактылуу Өкмөт түздөн-түз күнөөлүү. Убактылуу Өкмөттүн шалаакылыгынын акыры кан төгүү менен аяктады.  Садыр Жапаровдун бийлиги, Ош окуясынынын чындыгын иликтей алабы?»

2010-жылы өлкөнүн түштүгүндө 400дөн ашуун адамдын өмүрүн алган июнь коогасына бүгүн 11 жыл болду. Расмий маалыматтар боюнча, бул каргашалуу окуяда 446 адам каза болуп, 2 миңге чукул жаран ар кандай жараат алган.

57 адам дайынсыз жоголуп, алардын 19у бүгүнкү күнгө чейин табыла элек. Массалык башаламандыкка байланыштуу 100дөн ашуун адамга издөө жарыяланган.

Булак: NazarNews.kg